beethoven.is

Magnús Lyngdal Magnússon er sagnfræðingur, tónlistarrýnir og fyrrverandi trompetleikari. Í áraraðir hefur hann safnað heildarútgáfum sinfónía Beethovens á geisladiskum og mælt lengd hvers einasta þáttar með eigin skeiðklukku. Á beethoven.is er safnið opið öllum.

Áskorunin

Efnið var til, en í töflum og minnisbókum eins manns. Verkefnið var að gera efnið leitanlegt og útgáfurnar samanburðarhæfar án þess að tapa því sem gerir safnið verðmætt. Þetta eru mælingar ritstjórans sjálfs, ekki tölur sóttar úr streymisveitu. Ritstjórinn þurfti líka að geta haldið öllu við sjálfur.

Lausnin

• Allt safnið í einu kerfi. 188 útgáfur, 141 hljómsveitarstjóri og 1.692 hljóðritanir. Hver sinfónía hefur sína síðu, hver útgáfa sína, og tímatöflurnar raðast eftir hvaða dálki sem er.
• Samanburður. Tvær útgáfur hlið við hlið, þátt fyrir þátt, og viðmiðunartímar úr Bärenreiter-útgáfunni til samanburðar.
• Rödd ritstjórans. Hans eigin röðun á bestu útgáfunum, fróðleikur og leiðréttingaskrá. Á íslensku síðunni eru 93 innslög hans úr Morgunvaktinni á Rás 1 og þáttaröðin Undir geislanum, öll spilanleg.
• Læsilegt fyrir menn og vélar. Síðurnar virka án JavaScript, hver síða er líka til á Markdown-formi og gögnin má sækja sem JSON eða CSV. Engar vafrakökur og engin rakning.
• Ritstjórinn á verkið. Ritstjórinn bætir sjálfur við útgáfum, kápum og röðun og leiðréttir það sem þarf. Vefurinn keyrir á eigin innviðum og helst uppi á meðan ný útgáfa hans er sett inn.

Vefurinn var smíðaður í Sumarhúsi og fór í loftið 14. október 2026.